《妊娠紋的疑惑》

《妊娠紋的疑惑》

過咗中秋,好凍,又好乾燥將會蒞臨,諗起大肚嘅你到時肚皮一定好痕,仲會好驚爆出妊娠紋,究竟點樣可以預防呢?

過去10幾年,見過10,000位孕婦嘅肚皮,見過好多孕媽媽好努力避免妊娠紋出現,亦都見過媽媽完全無為妊娠紋着緊,究竟係咪有護理就會無妊娠紋呢?你地身邊嘅人又係點呢?可以留言睇睇👀

有一個前港姐懷了孕,極貪靚,有計劃生仔就去買定3支 Elemis 嘅山茶花油,呢支油可以話係孕婦恩物,無論視覺,氣味,油嘅質地,都為孕婦帶嚟極優良嘅體驗,當然最重要就係孕婦適用,唔會好似某種類嘅香薰咁樣影響到BB,有機會詳細同大家分享有啲咩香薰孕婦可以用,有興趣請留言。

有咁好嘅產品,佢當然每日3次咁查啲油上去肚皮。好可惜,都係爆出妊娠紋,仲幾多添。另一位孕媽媽,懷孕年紀同港姐相若,完全無護理,結果一條紋都無,仲收身修得幾好,點解㗎呢?

唔通真係天生?

妊娠紋形成嘅醫學理解我就唔再講,大家亦好容易喺網上搵到。

我想提出一點,大家試想想有啲乜嘢人暴肥係唔會出現爆裂紋嘅呢?係有嘅,就係呢個人嘅皮膚充滿骨膠原,有充足嘅彈性令佢皮膚表層唔會爆裂,咁點先做到呢?如果想懷孕嘅你又唔想有妊娠紋,咁就只要好簡單咁做多啲運動,拉多啲筋腱,飲多啲水,維持一個健康嘅身體,就可能可以避免,就算天生都可以爆少啲。到真係懷孕嘅時候,買孕婦可用嘅油,查吓肚皮,起碼可以消除痕癢。

孕婦按摩會用甜杏仁油去滋潤肚皮,加上按摩手法,可以減低乾燥痕癢,預防妊娠紋,大肚呢個咁重要階段點可以唔靚呢?!

了解我哋6項療程 https://www.beautymama.com.hk/孕婦按摩療程

想試做我哋最新優惠 https://www.beautymama.com.hk/最新優惠